Ê morna...

'M tê um sôdade de nôs terra qui pertá'me na nha peito. 'M tchorá un rio di Monte Cara té Porto Grande. Esse verde di bô nome ja nô espera´l tcheu. Ága qu'm tchorá tá fazê Verde esse nôs Cabo.

Mar bendito dichá'me pidi'be um favor, levá mantenha lá pa nôs terra, dichá'le na areia di Laginha...Subi lá na Monte Verde, oiá Soncente na sê esplendor, Mindel criolo, praia di Salamansa na sê calma. E traze'me recordaçon di nha vivência. 'M vá espiá'le en nha lembrança...

Na tud quil dôr qui tormentá'me, na tud momento duro e magôad
'M gritá nha dôr, ninguém ca ovi'me
Gente oiá, gente ca sabê
Nha grito perdê na bô vento...

Um locura di dor, lágrima sofrida pra consolança dum pirdido amor.
Bô era um caricia tan leve, dum bejo tan breve... Terra di meu, encheme nha alma!!!
Nha tchon, nha mund calado...
NHA ILHA, BÔ É NHA CRETCHEU...




Ausencia di Cizé

Si asa 'm tivesse
pa voá na esse distancia
si um gazela 'm fosse
pa corre sem nem um cansera

anton ja na bô seio
'm tava ba manche
e nunca más ausencia
tá ser nôs lema

ma só na pensamento
'm tá viajá sem medo
nha liberdade 'm te'l
e só na nha sonho

na nha sonho mieforte
'm tem bô proteção
'm tem só bô carinho
e bô sorriso

ai solidão to'me
simá sol sozim na céu
só tá brilhá ma tá cegá
na sê clarão
sem sabê pa onde lumiá
pa onde bai
ai solidão é un sina...